Au Seigneur de Ronssard, Contre l'Amour

Auteurs : Pasquier, Étienne

Les folios

En passant la souris sur une vignette, le titre de l'image apparaît.

6 Fichier(s)

Exporter cette fiche

atom, dcmes-xml, json, omeka-xml

Exporter en PDF les métadonnnées
Exporter la transcription dans un fichier XML
Exporter en PDF les métadonnées et les 6 images

Informations sur la notice

ContributeurLagnena, Michela

Texte

Transcription diplomatique

AV SEIGNEVR DE
RONSSARD, CONTRE
l'Amour.

LAiſſons, Ronſſard, les amours

Des humains la ſeule rage,
Laiſſons Venus & ſes tours,
Sans que plus facions l'homage,
Que le ſot monde pretend
Eſtre deu au dieu, qui tend
Et ſon arc & ſes eſprits,
Pour les nostres rendre eſpris :
Dieu qui prend droit ſa viſée
Au coeur, pour à vn inſtant
Le rendre le mal content,
Et du monde la riſée.

Lors que ie l’appelle dieu,
Ronſſard, c'eſt la poëſie
Qui l'à ainſi dit, au lieu
De le nommer frenaiſie,
Faiſant ſon renom voler
Par la terre, puis par l’air,
Le haulſant iuſques es cieux,
Voire par deſſus les dieux,
Encores qu’il n'ait eſſence
Que celle que luy donnons,
[f. I1v°]
Lors que nous habandonnons
Du tout deſſoubs ſa puiſſance.

Par noſtre follie il naiſt,
En elle prend ſa paſture,
Et ſans elle iamais n'eſt,
Puis augmentant ſa nature,
Petit à petit s’accroiſt,
Et de telle ſorte croiſt,
Que ny plus ny moins que l'œil
Ne peut attaindre au ſoleil
Quand vers le midy s’auance :
Ainſi tant plus hault le fol
Laiſſe à l’amour prendre vol,
Plus en perd il cognoiſſance :

Et meſcognoiſt non point ſoy
(Qui eſt choſe trop petite)
Ains le hault dieu, & ſa foy,
Ou noſtre esperance habite :
Faiſant comte ſeulement
Du motif de ſon torment,
Et ſans gouuerner ſon frain,
Ne peut tenir autre train,
Que vers vne ſeule dame
Ou touſiours taſche adreſſer,
[f. I2r°]
Le meilleur de ſon penſer
Et tout ſon corps & ſon ame :

Ainſi permettant voler
Son esprit à la vanvole,
Se laiſſe l'homme couler
Soubs les aiſles d'vne fole,
Qui n'ayant compaßion
De ſi ſotte paßion,
Ains ſe nourriſſant au mal
De ce großier animal,
Qui pas ne le peut cognoistre,
Luy fait faire mille eſcrits,
Mille bons iours, mille cris,
Comme s'il venoit de naiſtre.

Tantoſt d’vn faint entretien
Le ſçaura à ſoy attraire,
Puis d’vn offenſif maintien
Ne taſchera au contraire
Que le ietter des arçons,
Plus muable en ſes façons
Qu'vn Prothée : ſe paiſſant
Comme l’oiſeau rauiſſant,
En ſon douloureux martire,
Pour puis eſtant en torment,
[f. I2v°]
Sçauoir ſeulement comment
A ſoy elle le retire.

Si que l’homme bien prudent,
Si du hault dieu ne ſe voile,
Tombe en naufrage euident
Lors qu'il met au vent la voile.
Ou eſt ce grand roy Dauid ?
Ou eſt celuy, que lon veit
A vn inſtant ſans effort
Au parauant le ſeul fort ?
Ou eſt ce ſage parfait ?
Ou eſt ce vaillant Hercule,
Qui ſe rendit ridicule
Par le ſucces de ſon faict ?

Ou ſont vne infinité,
Et vn million de braues
Qui tant auoient merité ?
Leſquels ſe rendants eſclaues
A ce ſot dieu, que lon dit
Auoir ſur nous tout credit,
Se ſentirent ſi ſurpris,
Qu'ou ils emportoient le pris,
Soit enſcience, ou aux armes,
Soudain retournants leurs ieux,
[f. I3r°]
Adreſſerent tous leurs vœus
Aux pleurs, triſteſſes, & larmes.

Tel bien n'eſt-ce le guerdon
Que lon trouue en la boutique
De ce vaillant Cupidon,
Quand vn ſubiet il pratique ?
Ne promet il tout plaiſir ?
Mais apres tout à loiſir
Ne nous fait il repentir,
Nous faiſants par trop ſentir
Sa venimeuſe nature,
Quand ſoubs la mercy du vent
Laiſſe flotter bien auant
Noſtre cœur à l’auenture ?

Amy, ceſte grand rigueur
Eſt ſeulement en vengeance
De ceux, qui du bon du cœur
N’ont mis en Dieu leur fiance,
Ains ſe laiſſants ſubiuguer,
Laiſſent leur eſprit voguer,
Sans contempler le ſeigneur
Duquel depend tout noſtre heur,
En qui ſeul nous deuons mettre
Nostre amour de part en part,
[f. I3v°]
Sans que voulions autre part,
Noſtre penſée commettre.

Cupidon tende ſon arc,
Et que ſur nous il deſcoche,
Nous ne ſerons de ſon parc,
Mais que luy coupions la broche :
Ne nous rendants ocieux,
Mais haulſants nos cœurs aux cieux,
Suplions le Dieu puiſſant
Que touſiours nous repaiſſant,
De ſa diuine parole,
Ne nous permette y entrer,
Ains vueille nous ſequeſtrer
De ceſte opinion fole. [f. I4r°]

Emplacement du texte

OuvrageRecueil des rymes et proses de E. P.

Date de publication du volume1555

Lieu de publication du volumeParis

Exemplaire consultéParis, Bibliothèque nationale de France, Rés. 8-BL-8826

Pagination, foliotation, signatureI1v°-I4r°

Description & Analyse du texte

GenrePoésie

FormeÉlégie

Les mots clés

élégie, pièce lyrique

Les relations du document

Ce document n'a pas de relation indiquée avec un autre document du projet.

Notice créée par Michela Lagnena Notice créée le 24/06/2024 Dernière modification le 14/11/2024