D’Acheron.

CHAPITRE II.

LE diuin Platon eſcrit en ſon Axioche (ſi toutesfois il eſt vray & legitime Autheur de ce Dialogue) que Ops & Apollon trouuerent parmy les Hyperborees Septentrionaux quelques ttableaux de cuiure qu’ils emporterent en Delos, eſquels eſtoit eſcrit, que l’ame ſeparee du corps, abordoit en vn lieu ſouſterrain inconnu, où eſtoit le Palais & la Cour de Pluton, non moindre que celle de Iupiter. Car comme ainſi ſoit que la terre eſt ſituee au milieu du globe de l’Vniuers, Iupiter & ſes enfans gouuernent l’hemiſphere d’en-haut ; Pluton ſon frere & ſes nepueux, celuy d’embas. Mais deuant qu’on arriuaſt au portail du Palais de ladite cour, où vne porte de fer, garnie de gros barreaux & cloiſons de fer, arreſtoit les paſſans, on rencontroit premierement Acheron, puis aprés Cocyte, & autres riuieres, deſquelles nous traitterons en leur rang. Or cet Acheron, qui le premier de tous receuoit les ames des treſpaſſez deualans aux Enfers, & lequel il falloit paſſer, les vns le font fils de Cerés, les autres de la Terre ; & l’vn allegue vne raiſon pour laquelle il fut enuoyé aux Enfers, l’autre vne autre. Platon eſcrit au Phædon, que l’Acheron eſt vne riuiere qui paſſe par le marez d’Acheruſe : A l’oppoſite de cette-cy (dit-il) eſtoit Acheron, paſſant par d’autres lieux deſerts, & ſe cachant ſous terre entre dans le marez d’Achereuſe, ou beaucoup d’ames des treſpaſſez abordent. La ſejournans certain temps ordonné par la volonte diuine , les vns plus, les autres moins, r’entrent derechef en nouueaux corps viuans. Les autres ne penſent pas qu’il entre, mais bien qu’il ſorte du marez d’Acheruſe ; entre autres Strabon au 8. liure, diſant que l’Acheron ayant receu pluſieurs riuieres entre dans le port de Chimer, fort coy, & qu’il rend ce detroit là fort doux, qui n’eſt pas fort eſloigné d’Ephyre, ville des Treſprotiens : & que le meſme Acheron & le Daule ſe vont rendre dans l’Alphee. Quelques-vns diſent que ce nom luy fut donné, d’autant qu’il paſſoit contre les temples de Cerés, Proſerpine & Pluton, qui eſtoient en grand honneur à Hypane, ville de Triphylie. Et de faict il faut ſçauoir qu’il y auoit deux riuieres en diuers lieux, portans vn meſme nom. Il y auoit vn Acheron en Brutie, frontiere d’I-talie, prés de Pandoſe, où Alexandre, Roy des Moloſſiens en Albanie, trompé par l’Oracle de Dodone, fut tué, comme dit Strabon au 6. liure luy ayant eſté commandé d’éuiter Acheron & Pandoſe ; qu’il penſoit eſtre en Theſprotie, contree d’Albanie, qui pour lors eſtoient fort celebres. Y auoit auſſi vn autre Acheron en Albanie, venant du marez d’Acheruſe, prés de Pandoſe, lequel accreu de beaucoup de riuieres qui ſe iettoient dedans, paſſoit au deſtroit d’Amblace, dict maintenant Golpho de Arta, faiſant partie de la mer Adriatique vers l’Albanie. Or par ce marez d’Acheruſe on diſoit que l’Acheron couloit par deſſous terre vers les Mariandyns peuples d’Aſie, comme dit Apollonius liure 2.

Puis de la rebrouſſans vn petit en arriere,Vers les Mariandyns dreſſez voſtre carriere.C’eſt là qu’on void la porte & le chemin frayé,Par lequel on deſcend au Tartare effrayé.Là la terre Acheruſe eſt en-haut eminente,Et le fleuue Acheron d’une onde boüillonnantePaſſe tout à trauers, & ſous la terre eſtendSon ondoyant desbord, d’vn creux antre ſortant.

Ce marez d’Acheruſe n’eſtoit pas loin de la ville de Cichyre, teſmoin Pauſanias on l’Eſtat d’Arcadie, Strabon au 5. liure dit qu’il eſtoit prés du cap de Miſene, & que ſon eau eſtoit propre pour guerir beaucoup de ſortes de maladies. Or ſuppoſé qu’il y euſt deux marez de ce nom, l’vn au territoire Brutien, l’autre prés de Pandoſe, au territoire Theſprotien, ou en Albanie, prés la ville d’Heraclee, non guere loin de Sinope ; les Anciens ont eſcrit que l’Acheron, riuiere infernale, paſſoit prés celuy d’Albanie, croyans qu’il deualoit ſous terre, & deſcendoit iuſques aux Enfers, & faiſoit là vn marez de grande eſtenduë. Auprés dudit marez d’Acheruſe eſtoit la deſcente aux Enfers, comme teſmoigne Aretade de Cnide, au 2. liure de l’Eſtat de Macedoine, cité par le tres-docte Interprete d’Apollonius : L’Acheruſe qu’on appelle, qui eſt prés d’Heraclee , eſt de tous coſtez haute, eminente & panchante ſur la mer, & regarde l’Occident vers la mer de Bithynie : & l’eau qui chet dedans meine vn merueilleux bruit. Sur la cime d’icelle il y a des Planes, & en ſa plaine auſſi : & ſemble que là ſoit la deſcente aux Enfers. Car on croyoit qu’il y euſt auprés de cette riuiere vne cauerne qui menaſt aux Enfers, comme eſcrit Apolloine au 2. liure des Argo-Nochers, ſuiuant l’auis des ſuſnommez. L’Acheron ſortant de ce marez entre dans la mer, qui eſt vers le Leuant : lequel ſe deſgorgeant par des lieux ſouſterrains, vient derechef a reſortir par vne cauerne & vallee, comme ſ’il venoit des Enfers, eſquels on croyoit qu’il entraſt par vne longue traitte de chemin, comme dit le meſme Poëte :

Là le fleuue Acheron a diuerſe emboucheure,Qui coulant d’un lieu creux ſe vient faire ouuerturePour ſe ioindre à la mer vers le Soleil leuant ;Puis ſe void derechef, au monde releuantSes vallons ondoyez qu’il r’amene en lumiere.

C’eſt par là (ce dit-on) & par la meſme cauerne qu’Hercule tira des Enfers le Cerbere, ſelon ce qu’en eſcrit l’expoſiteur de Nicandre : Acheron eſt vne riuiere d’Heraclee de Pont, par où Hercule emmena le Chien de Pluton, & le coutau ſe nomme Aconite. Pauſanias en l’Eſtat d’Attique eſcrit que l’eau d’icelle eſtoit fort mal-plaiſante à boire (comme auſſi celle du Cocyte) & qu’elle nourriſſoit volontiers le Tremble ou Peuplier blanc, comme l’Alphee nourriſſoit l’Oliuier ſauuage, & le Pau le Peuplier noir. Ainſi donc Hercule venant par cette porte vers Cerbere, ſe mit ſur la teſte vne guirlande, cordonnee de Peuplier blanc, qui toutesfois deuint toute noire par l’eſpaiſſe fumee & broüillars des Enfers, laquelle (ſelon le conte) enterree prés du Pau, produiſit le Peuplier noir. On dit que cet Acheron eut de Gorgyre vn fils, nomme Aſcalaphe, que d’autres diſent qu’il eut d’Orphné Nymphe du lac d’Auerne, qui accuſa Proſerpine d’auoir rompu le ieune des Enfers, comme dit Apollodote Grammairien, au 1. liure. Aſcalaphe mué en crapaut.Et pourtant Aſcalaphe, quoy que ſon accuſation fuſt iuſte, par enuie & vengeance fut trãſmué en Crapaut. Il eſt nommé Acheron de deux mots Grecs, monſtrans qu’il coule en ondes ou eaux, à ſçauoir d’Angoiſſe & de dueil, pource que, comme dit Iſace, il porte à groſſes ondes beaucoup de faſcheries & de triſteſſes, & aux parens des defuncts. Mais ie ſuiurois pluſtoſt l’auis de ceux qui tiennent qu’il a eu ce nom d’vn certain Acheron, qui a le premier regné en ce pays-là, comme eſcrit Andron Teien en ſa nauigation. Or de ce diſcours il ſe manifeſte que ceux qui deſcendoient aux Enfers, abordoient premierement à cet Acheron, & faiſoient là leur premiere pauſe, & qu’il fut fils de Cerés, ou pluſtoſt de la Terre. Acheron pourquoi chaſſé aux Enfers.Il fut chaſſé en Enfer pour auoir baillé à boire aux Titans lors qu’ils faiſoient la guerre à Iupiter, il yenoit du marez d’Acheruſe par des lieux ſouſterrains, & par vne creuſe vallee ſortoit de rechef en lumiere, & auoit vne eau de fort mauuais gouſt.

¶Expoſitiõ morale d’Acheron.Voila les contes qu’on trouue touchãt l’Acheron : recherchons maintenant à quel propos telles inuentions ſont miſes en auãt. Pourquoy eſt-ce qu’il reçoit le premier les ames des treſpaſſez ? pource que ceux qui ſont à l’article de la mort, vn certain endormiſſement affoiblit ſi bien leur entendement & eſprit, qu’on apperçoit aiſément qu’ils ont deſia la mort entre les dents : lors la conſcience & memoire des pechez & fautes commiſes donne tant de rudes aſſauts à l’eſprit languiſſant. Voyla le premier marez qu’il faut trauerſer ; car quant l’eſprit vient à ſe repreſenter toute ſa vie paſſee, il n’eſt poſſible qu’il n’en ſoit extremément eſmeu. Le meſme Acheron eſt fils de Cerés, ou de la Terre, d’autant que ce qui plus nous angoiſſe & trouble l’eſprit, c’eſt vne ardente affection dont nous bruſlons, ou pour acquerir force biens, ou pour les conſeruer. Il donna à boire aux Titans, rebellez contre Iupiter, parce que beaucoup de mauuais penſers ſe forment en nos ames, leſquels ſi l’eſprit entretient & nourrit, il ſe deſuoye des commandemens de Dieu, & vient à viure à la facon des beſtes brutes. Mais quand vn homme de bien, voire meſme vn meſchant, a mis toute ſon eſperance en la bonté & miſericorde de Dieu, apres auoir eſpluché ſa vie paſſee ; alors cette triſteſſe & amertume, qui ſ’appelloit Acheron, ſort d’vne profonde valee, à ſçauoir du cœur, & vient en lumiere, pour ſ’en aller tres-volontiers preſenter deuant la majeſté de Dieu, tres-miſericordieux & ſouuerain Iuge. Son eau eſt dite de tres-mauuais gouſt, parce que noſtre vie, ſi nous l’examinons ſoigneuſement, roule quant & ſoy beaucoup d’amertumes. En vn mot, les Anciens n’ont voulu donner à entendre par telles fictions des Enfers, autre choſe ſinon qu’il nous falloit ſi bien regler noſtre vie, que la ſouuenance du temps paſſé fondee ſur innocence & integrité, nous ſerue d’vne grande conſolation en la mort, & nous meine ſans aucune crainte deuant le ſiege des plus ſeueres Iuges qui ſe puiſſent trouuer. Car ſous telles Fables toutes les penſees d’vn homme mourant ſont exprimees. Parlons deſormais de Styx.