De la Fortune.

NOus qui ſçauons que la prouidence de Dieu conduit & gouuerne toutes choſes, ne deuons rien attribuer à la Fortune & ie croy que les anciens ont forgé ce nom là pour empeſcher les hõmes d’imputer à Dieu les cauſes pour leſquelles tels ou tels eſtoient ce leur ſemble outre leur dignité moleſtez, & qu’ils n’addreſſaſſent auſſi leurs complaintes à vne faulſe Diuinité ; l’appellant legere, inconſtante, folle & aueugle, ne ſçachants pour quel ſuiet tout alloit à contrepoil à l’vn, & l’autre au contraire iouiſſoit de tel heur & proſperité qu’il euſt peu ſouhaiter.