D’Atalante.

MAis pour faire connoiſtre aux hõmes combien ſont fols & hors de ſens ceux qui ſe laiſſẽt emporter à leurs appetits voluptueux, ils ont dit que pluſieurs perſonnes demanderent Atalante en mariage aux deſpens de leur vie. Car Atalante n’eſt autre choſe que la volupté, à laquelle nous ne pouuons condeſcendre ſans encourir ſemblable fortune que les amoureux ſuſdits. Et dés que quelqu’vn l’a atteint ſans porter aucune reuerence ny aux Dieux ny aux lois, il ne retiendra plus la forme humaine de ſon eſprit, ains ſera conuerty en beſte tres-cruelle, comme fut Atalante auec ſon Hippomenes.