D’Andromede.

PAr la fable d’Andromede ils exhortoient leur poſterité à viure ſainctement & moderer les paſſions de l’ame, veu que tout ce que nous auons de bien ne nous vient que de la clemence & bonté de Dieu, qu’il nous octroye pour ſubuenir à nos neceſſitez, & departir aux indigens, non pour opprimer les plus foibles & deſtituez de ſecours humain. Que ſi quelqu’vn s’enorgueillit par trop pour quelque grace ou prerogatiue qu’il ait plus que les autres & en vſe trop arogamment, il ſent auſſi toſt la vengeance de l’Eternel ſur ſa perſonne, qui luy oſte ou pour le moins à ſes hoirs, ce qu’il luy auoit liberalement concedé : & pour l’amour des griefs forfaicts des Roys ou des anceſtres on void quelquefois perir de fond en comble, ou des villes, ou des familles entieres.