Des Belides ou Danaides.

QVant à l’exemple des Belides, il ſert pour la nourriture des enfans, car les parens ne doiuent rien commander à leurs enfans qui contreuienne à l’humanité, au droict de nature & au ſeruice de Dieu, de peur que ſuiuans leur exemple & cõſeil ils ne s’accouſtument à meſchanceté : ny les enfans executer les cruels, inhumains & torſionnaires commandemens de leurs parens. Que s’ils portent plus d’honneur & de reuerence à leurs parens qu’à Dieu, ils ſentiront finalement que Dieu venge ſeuerement les forfaits des iniques & mal-viuans, car quoy qu’il tarde nul meſchant ne demeure impuny.