Response du Comte au Roy par laquelle il luy promet inconsiderément de faire tout ce qu’il luy commandera quoy que ce soit.

Commandez, monseigneur, dit il, en pleurant, ce qu’il vous plaist que je face, jusques à me sacrifier moy mesme, car je vous jure, sur la foy que de long temps vous est inviolablement obligée, que sans reservation de chose quelconque, tant que ceste mienne langue se pourra estendre, & l’esprit sera soustenu de ce corps, vous serez fidelement & loyallement servi : & non seulement en ce que devoir m’oblige, mais encore jusques à sortir des limites de l’honneur.