[E1r] Vous doint honneur, soulas et joye.
Mon seigneur devers vous m’envoye
Qu’il vous plaise tost de venir
À la feste qu’i
Et vous en prie cherement;
Pourtant ne vueillez nullement
Faillir que tantost n’y soyez.
Amy, de par moy luy direz
Que tantost à luy je seray:
Tout son plaisir acomplir
Sans differer en nulle rien.
Comment, aprés que le messaigier eut annoncees les nouvelles à
[bois]
[E1v] Vous estes dame de hault bien,
Digne d’avoir honneur et pris:
Affin que je ne soye repris
Il mande dames et damoyselles,
Seigneurs, chevaliers et pucelles,
Que tous viennent sans arrester
Au bancquet qu’il faict apprester,
Et vous luy ferez grand plaisir.
J’acompliray tost son desir,
Messaigier, je vous certiffie:
Allez devant, je vous en prie,
À luy m’en vois sans demouree.
Tres cher oncle, bonne
Vous doint Jesus le droicturier.
[E2r] Comment
[bois]
Dieu vous gard de mal encombier,
Ma niepce pleine de beaulté.
Joyeulx suis par ma loyaulté
Qu’estes venu au mandement
Que vous ay faict, par mon serment:
De vous veoir j’ay tres grand plaisir.
Preste suis de vostre desir
Acomplir, mon tres cher seigneur.