Æque & cettuy-cy ſouloient tenir en main vne verge, ou houſſine, quand on plaidoit deuant eux, ſelon ce qu’eſcript Platon dans ſon Gorgias. Ciceron au premier liure des queſtions Tuſculanes, dict (comme auſſi Platon en l’Apologie de Socrate) que ceux-cy n’eſtoient pas ſeuls Iuges des enfers, mais qu’ils eurent encore Triptoleme pour compagnon. Voicy ce qu’il en dit : Ce te ſera beaucoup plus d’heur, qu’eſtant eſchappé des mains de ceux qui veulent auoir la reputation de Iuges, tu viennes vers ceux qui ſont verittablement Iuges, Minos, Rhadamanthe, Æaque, Triptoleme, & que tu t’adreſſes à ceux qui ont iuſtement & loyaument veſcu. Neantmoins Iſace dit que Rhadamathe ſ’enfuit de ſon païs pour auoir tué ſon frere : Apres la mort d’Amphytrion Rhadamanthe ſ’enfuit de Candie, d’autant qu’il auoit mis à mort ſon frere : et ſe retirant en Oecalee ville de Bœoce, eſpouſe d’Alcmene. Propriété de vertu.La vertu a cette proprieté, que les gens de bien trouuent païs par tout le monde, & n’y a lieu honorable qui ne ſoit à leur commandement. Et pourtant celuy qui penſe ſ’enfermer en vn certain lieu comme ſon païs particulier : ou qui ne croid pas qu’il puiſſe viure ailleurs, qu’en ſa patrie : cettuy-là a bien faute de courage & de conſeil, veu qu’il n’y a que les plantes à qui nature ait aſſigne vn certain & propre pays, à ſçauoir le lieu où elles les a fichees. Parlons maintenant d’Æaque.