De Pandion

CHAPITRE XI.

Pandion vſurpateur d’Athenes.Pandion fut fils d’Erichthon (qui chaſſant Amphictyon de ſon Royaume d’Athenes, s’en inueſtit) & de Paſithee Nymphe Naiade, teſmoin Apollodore au 3. liure de ſa Bibliotheque. Voyez liure 7. chap. 10.Il ſucceda à ſon pere, & regnoit lors que Cerés & le pere Liber paſſerent par l’Attique. Pandion a eu la reputation de bon perſonnage, mais peu heureux en ce qu’il maria ſa fille Progné (car il auoit eu de Zeuxippe ſa tante, ſœur de ſa mere, Progné, Philomele, Erechthee & Bute gemeaux) à Teree Roy de Thrace fils de Mars & d’vne Nymphe du lac ou eſtang de Biſton en Thrace, lequel Teree luy auoit donné eſcorte en la guerre qu’il auoit eu contre Labdaque à l’occaſion de leurs bornes. Teree eſtoit vaillant, mais au demeurant tres-mauuais Prince, & par maniere de dire furieuſement paillard. Car la diſſolution l’amena à tel poinct, qu’il luy fut enfin plus expedient d’eſtre transformé en houppe que de viure en eſtat d’homme : ſa femme Progné, ſa belle ſœur Philomele, ſon fils Itys tranſmuez en autres oyſeaux auec vne notable infamie de ſa maiſon, comme dit Horace au 4. liure des Carmes :

Il faict ſon nid & dolent Va ſon Itys appelant Auec vne voix de dueil pleine Oyſeau remply de malheur, Et l’eternel deſhonneur De la maiſon Cecropiene.

Or il y a eu pluſieurs Pandions. Car on dit que Boree ayant engendré d’Orythie Zetés & Calaïs, & Cleopatre, cette-cy fut mariee à Phinee, de laquelle il eut Pleuxippe & Pandion, combien que les autres les nomment Terymbe & Aſponde. Ces deux-cy aprés le decez de leur mere eſtãs encore en bas aage eurent les yeux creuez par ldee fille de Dardare, ou bien (comme d’autres veulent dire) par leur belle-mere ldothee ſœur de Cadme. Il y en a eu vn autre fils de Cecrops & de Metiaduſe fille d’Eupalame : les autres ſont obſcurs & de peu de renom, les Poëtes n’ayans en leurs eſcrits chanté que ce Pandion fils d’Erichthon, ſucceſſeur de ſon pere, lequel a taché la memoire de ſa race d’vne eternelle honte & infamie. Ses enfans furent Ægee, Lyque, Pallas, & Niſe, maſles, teſmoin Strabon au 9. liure qui pour confirmation de ſon dire allegue quelques vers des Tambours de Sophocle, où il eſcrit les places qu’il donna à chacun de ſes enfans en poſſeſſion. Que Pandion ait ſuccedé à la couronne de ſon pere, Phanodeme l’a ainſi eſcrit au 5. de l’Eſtat d’Attique : Aege fils de Pandion regnant à Athenes, eſpouſa en premieres nopces Mete, fille d’Hoplet ; puis en ſecondes Chalciope, fille de Rhexenor. Zezés en la 142. hiſt. de la 7. chil. dit qu’il eut pluſieurs fils, & deux filles. Cependant Pauſanias en l’Eſtat d’Attique eſcrit qu’il n’eut pas vn fils qui ait vengé l’iniure à luy faite par Teree. Voila ce que i’ay voulu adiouſter à Liure 7. chap. 10.l’explication de ſes filles ailleurs deſcrite, afin que ſi quelque choſe y manque, on le puiſſe trouuer icy. Quant au ſubiect de la fiction, ie croy qu’on le peut apprendre en ce que nous auons eſcrit. Paſſons à de Erichthon.