Des Eumenides.

MAis afin que perſonne ne preſumaſt de celer ſes pechez, ces Iuges eurent pour miniſtres & executeurs de leur iuſtice les Furies hideuſes & eſpouuentables, que les Grecs nomment Erynnes & Eumenides, leſquelles nous auons dit n’eſtre autre choſe que les aiguillons & remords de conſcience, eſtans filles de tels parens que nous auons ouy. Car perſonne n’a point de plus cruel bourreau ny de plus irreprochable teſmoin que ſa propre conſcience. Or pour dire en vn mot l’intention des Anciens en cette Fable, ils ont voulu ſigni- gnifier qu’il n’y a que l’homme de bien qui poſſede ſon ame en repos, & que la ſeule integrité & innocence fait que les hommes attendent de pied ferme tout heur & changement de fortune : au lieu que les meſchans doiuent attendre telles ou ſemblables choſes.