D’Hecate.

POur apprendre à tous hommes qu’il leur falloit neceſſairement gouſter la mort, & que perfonne ne peut éuiter la volõté de Dieu, ny outrepaſſer le iour preſcript, ils ont introduit Hecate, fille de Iupiter & d’Aſtorie ; & ceux qui tenoient que Iupiter gouuernaſt tout l’Vniuers, & que tout dependiſt de luy, l’ont priſe pour vne vertu deſcendant des Aſtres, agiſſant en ſecret & operant és corps inferieurs : combien que les autres eſtimaſſent qu’elle fuſt l’ordre & la force du Deſtin d’vn chacun, diuinement infuſe & tranſmiſe és corps mortels ; & pource qu’elle eſtoit inconnuë à tout le monde, ils l’ont appellee fille de la Nuict.