Des Silenes.

AV demeurant les auteurs des fables enſeignans ſoubs icelle auec beaucoup d’artifice la philoſophie, ne preſchoient pas ſeulement la preſence des Dieux en ce monde, & le gouuernement de ſon eſtat par iceux ; mais auſſi la precellence des vns aux autres en puiſſance & autorité : de façon qu’vn ſeul Iupiter preſidoit ſur tous les Dieux & demons, les autres demons commandoient ſur quelques endroits & affaires, leſquels auoient auſſi d’autres moindres demons pour miniſtres. Ainſi les Silenes marchoient apres Bacchus comme ſuiuans : lequel pris pour le Soleil, les Silenes eſtoient rayons qu’il eſpanche en bas tres-vtiles aux animaux.

Des Silenes.

AV demeurant les auteurs des fables enſeignans ſoubs icelle auec beaucoup d’artifice la philoſophie, ne preſchoient pas ſeulement la preſence des Dieux en ce monde, & le gouuernement de ſon eſtat par iceux ; mais auſſi la precellence des vns aux autres en puiſſance & autorité : de façon qu’vn ſeul Iupiter preſidoit ſur tous les Dieux & demons, les autres demons commandoient ſur quelques endroits & affaires, leſquels auoient auſſi d’autres moindres demons pour miniſtres. Ainſi les Silenes marchoient apres Bacchus comme ſuiuans : lequel pris pour le Soleil, les Silenes eſtoient rayons qu’il eſpanche en bas tres-vtiles aux animaux.

Explication Morale.

D’Auantage nous propoſans deuant les yeux l’ordure & vilainie de l’yureſſe, ils ont introduit Silene : c’eſt à dire la force & l’efficace du vin, & la forme & contenance d’vn homme yure. Ils en ont faict vn gros ventru, plein d’aage & touſiours chancelant : toutes leſquelles choſes ſont autant d’effects du vin & de l’yurognerie. Car celuy qui recherche ſes aiſes & plaiſirs plus que nature ne peut porter, il rend ſon corps & ſon eſprit inutile, & pour le preſent & pour l’auenir à tous actes honorables. Et pourtant les Anciens propoſans en leurs contes fabuleux telles incommoditez, nous ont voulu repreſenter la puanteur & les ordures procedans de l’vſage immoderé du vin, pour nous en deſtourner.