LEs fictions de Bacchus ne ſont non plus eſlongnees de la conſideration de nature, en ce qu’ils diſent qu’il fut nourry par les Nymphes : & puis que les Nymphes ſont la matiere en la generation des choſes naturelles, elles reçoiuent la forme, & la font croiſtre : car Dionyſe n’eſt autre choſe que la vertu du Soleil duiſible pour la generation, qui tient place de maſle és œuures de nature, pour cette cauſe diſent-ils que le phalle ou membre viril luy fut conſacré, & cette ſolennité qu’on appelloit Feſte des Canephores.
Explication Morale.EN apres exprimans par ce Dieu-ci les mœurs & complexions des yurongnes, ils nous exhortoient à ſobrement vſer du vin, propoſans deuant les yeux combien d’inſolences & vilainies dependent de l’yureſſe. Car pourquoy eſt-ce que les Cobales mal-faiſans & pernicieux demons accompagnoient Bacchus, entre leſquels Acrat tenoit le principal lieu ? C’eſt parce que l’yurognerie & l’exceſſif vſage de vin traine quand & ſoy grande quantité de vices & meſchancetez : à ſçauoir babil, temerité, impudence, meſpris & negligence és affaires de ſa maiſon, deſpenſe deſreglee & conſomption de ſes moyens, inimitiez & rancunes, & pluſieurs autres telles