De Tithon.

IE croy que la fable de Tithon, diſant qu’à cauſe de ſa longue & chenuë vieilleſſe il fut trãſmuë en cigale, ne tend à autre but qu’à montrer que la mort eſt la fin de toutes calamitez & miſeres humaines, octroyee pour ce regard aux hõmes par l’Eternel ; & pourtãt Tithon, qui par les prieres de l’Aurore auoit obtenu immortalité, ſupplia tres-humblement les Dieux qu’il luy fuſt permis de mourir, eſtimant qu’il valoit mieux franchir vne fois le pas de la mort, qu’eſtre touſiours miſerable & trauaillé des difficultez de nature.