LEs Poëtes ont celebré Orphee, non pas tant pour auoir eſté tres-excellent Poëte, que tres-iuſte & tres-equitable perſonnage, non ſeulement enuers ſon prochain, mais auſſi enuers ſoy-meſme ; car ayant accoiſé les Enfers, c’eſt à dire, les troubles de l’eſprit, il tira en lumiere Eurydice. Mais celuy qui ne continuë pas en l’obſeruation d’equité, il retumbe derechef là meſme d’où il eſt party, afin donc que nous apprenions à moderer les eſmotions de noſtre courage, cette fiction a eſté par les Anciens introduite.