De Dedale.

PAr la Fable de Dedale ils donnoient à connoiſtre que tous meſchans ſont miſerables ; qu’vn mauuais homme ne doit pas croire qu’vn bon & iuſte Prince le puiſſe long-temps aymer : qu’il vaut mieux ſe tenir à mediocrité, que d’entreprendre choſes hautes & ſublimes, pource qu’elles entrainẽt quand & ſoy mille & mille calamitez ; car la mediocrité n’eſt point, ny trop ennuyeuſe, ny meſpriſable.