A Diu chì per piglià parte à la festa
Ha resu lu so' celu più turchinu
Prima di tuttu vogliu in rima onesta
Fa rispittosu e religiosu inchinu.
E po' dopu prigallu cun ardore
Di dabbi, a voi che tengu cusì cari
D'un core pienu di freternu amore
Una vita filici e doni rari.
Longhi jorni , di fiore sempri colmi,
Basgi di tinarezza freschi e chjari
Cume l’acqua chi canta sott’a l’olmi,
Quandila neve sdrughje in li canali.
Luce da l’alba à l’esce di le stelle
Nant’à la strada scelta da l’amore ;
Risi di masci e vezzi di zitelle ;
In casa vostra gioja e mai dulore.
Chì Diu dinô mantenga forti e vivi
In voi, malgradu feste, soni e canti,
Ciô chì lega per sempre i morti a i vivi :
I ricordi chì sô sacrati e santi.