[C4r] Sa, Jacquemin, sans long langaigeAller te fault sans delayerDire tost à mon chevalierQu’il vienne soubdain devers moy,Et ne luy parle point pourquoy:Despesche toy legierement.Comment le Duc envoye querir son chevalier pour le interroguer du cas sur luy imposé.[bois] Le messagerÀ luy m’en voys appertementMon seigneur, car je suis tout prest:Point ne me fault faire d’arrestQue tantost ne soye au retour.Chevalier, Dieu vous doint bon jour,Incontinent vous fault aller

[C4v] À mon seigneur le Duc parler,
Et vous hastez legierement.

Le Chevalier

Dy moy, amy, par ton serment

Scez tu point pourquoy m’a mandé?

Le messager

Non, chevalier, en verité.

Je vous pry, point ne demourez:

Je voys dire que vous venez.

Sire, voicy le chevalier

Qui tantost sans point deslayer

À vostre mandement est venu

Pour sçavoir tout le contenu

De vostre desir et pensee.

Comment le noble Chevalier arriva devers son seigneur et maistre le Duc pour luy obeyr en tout ce qu’il luy plairoit commander.