1555_Qui eut jamais estimé_[Epître I]

Auteurs : Pasquier, Étienne

Les folios

En passant la souris sur une vignette, le titre de l'image apparaît.

3 Fichier(s)

Exporter cette fiche

atom, dcmes-xml, json, omeka-xml

Exporter en PDF les métadonnnées
Exporter la transcription dans un fichier XML
Exporter en PDF les métadonnées et les 3 images

Informations sur la notice

ContributeurLagnena, Michela

Texte

Transcription diplomatique

PREMIERE EPISTRE.

QVI eut iamais eſtimé, que telle eut || eſté la ſottie d'vn homme, de non || ſeulement estre fol, & auoir co-||gnoiſſance de ſa folie, mais außi || d'apeter que le monde en eut co-||gnoiſſance ? Vrayement fault il que l'extremité de || folie ſe range dans vn tel cerueau : Et ce d'autant || plus que nature nous instruit tous en general cou-||urir nos deffauts & pechez. Il fault certes que ie || confeſſe, que grande feut celle rage, qui s'imprima || dans mon eſprit, lors que luy laſchay la bride, pour || me ſoubmettre à la volunté d'vne femme, mais || toutesfois excuſable, m'eſtant celle faulte com-||mune auecques tous. Maintenant qu'eſt il de be-||ſoing donner à entendre à vn peuple, de quelle ſor-||te de paßiõs & pointure ie feu nauré, ſi non pour || deſcouurir plus apertement ma beſtiſe ? Excuſez || pour Dieu cette faulte meßieurs, & ne l'imputez || à moy, ains à la force de mon deſtin, qui guide mes || œuures celle part. Et bien que pour mon regard ie || n'en attende aucun fruit, qu'vn meſpris & con-||temnement de mon faict : ſi pourrez vous vous rẽdre ſages par ma folie, quand recognoistrez par [f. D6r°]

ces lettres (diſcours certes de mes amours) d'vne || effrenée affectiõ la fin s'estre cõuertie en vne deſ-||daigneuſe haine. C'eſt vne hiſtoire, m'en croyez, || vne hiſtoire de ma folie, et ne dreſſay oncques ces || epiſtres qu'ainſi ou qu'amour, ou que deſdain les di||ctoit : Deſquelles ſi les aucunes feurẽt (peut estre) || enuoyées, les autres nõ, & les vnes & les autres || ſeulement faites pour plaiſir, ſi feurent elles baſties || ſoubs la charge de ces deux trahiſtres capitaines, || qui à l'enuy ont commandé ſus mes esprits. Que || pleuſt à Dieu que par esbat, & non aux deſpens, || & de mon temps, & de mon corps, ie les euſſe fa||çonnées. Pour le moins ne ſentiroy-ie en moy l'a-||mertume d'vn regret : d'vn regret dy-ie, non point || d'auoir eſté amoureux (ia ne plaiſe à Dieu que pa-||role ſi mal digerée ſorte iamais de ma bouche) || mais d'auoir employé mes vœuz alendroit de cel-||le, de laquelle pour recompenſe ie n'ay receu que || deffaueur. Ce neantmoins vous verrez de quelle || ſorte ie me ſuis eſperdu & idolatré en elle. Voire || vous diray plus, qu'encores eſt ce icy le moins de || ce que ie fey oncques pour elle. D'autant que ia-||mais baſteleux ne feit faire plus de tourdions à vn || Cinge, comme elle à fait de mon eſprit. Choſe à la || verité merueilleuſe, ie ne diray point monſtrueuſe, || qu'à la pourſuite d'vn obiet, vn eſprit ſe ſoit diuer-||ſifié en ſi cõtraires manieres. Or ſi tel feut vn tems [f. D6v°]

ſon priuilege d'ainſi ſe plaiſanter de moy, mainte-||nant eſt-ce la raiſon qu'vſant quelque peu de mes || droits, außi ie me iouë de moy, & m'en iouant me || ſubmette au langage de tous les hommes, deſquels || les aucuns me prendront parauenture à riſée, & || les autres à compaßion. Mais quant à moy, ie pro-||teſte reſſembler ceux qui ayants commis quelque || faulte, qui de ſoy n'eſt point pardonnable, taſchent || à trouuer quelque ſatisfaction pour vaguer nuds || parmy le monde : Ainſi me proſternant à vn pu-||blicq, pour le moins penſe-ie acomplir le deuoir || de ma penitence : laquelle ne me ſera point trop || griefue, ſi ie puis aperceuoir vn pauure amant ſeu||lement, liſsant ces preſentes epiſtres, ſe donner telle || conſolation que tout miſerable s'ordonne. [f. D7r°]

Emplacement du texte

OuvrageRecueil des rymes et proses de E. P.

Date de publication du volume1555

Lieu de publication du volumeParis

Exemplaire consultéParis, Bibliothèque nationale de France, Rés. 8-BL-8826

Pagination, foliotation, signatureD6r° - D7r°

Pièce n°001

Description & Analyse du texte

GenreÉpistolaire

SujetsDiscours liminaire

Les mots clés

lettre

Les relations du document

Ce document n'a pas de relation indiquée avec un autre document du projet.

Notice créée par Michela Lagnena Notice créée le 09/11/2023 Dernière modification le 25/08/2024