1555_De quel parfum, ma dame_[Épître V]

Auteurs : Pasquier, Étienne

Les folios

En passant la souris sur une vignette, le titre de l'image apparaît.

2 Fichier(s)

Exporter cette fiche

Exporter en PDF les métadonnnées
Exporter la transcription dans un fichier XML
Exporter en PDF les métadonnées et les 2 images

Informations sur la notice

ContributeurLagnena, Michela

Texte

Transcription diplomatique CINQIESME EPISTRE.

DE quel parfum, ma dame, charmates vous le || bouquet, que me donnates dernierement, par || lequel il fault que ie meure ? Vrayement ie ne puis || penſer que dedans ces petites fleurs ſi bien com-||paßées enſemble, il n’y eut quelque influence de || vostre diuinité : à l'odeur de laquelle ie ne me ſens || moins eſperdu que iadis ces bons vieux peres, lors || qu'ils entroiẽt es alteres, pour profetizer aux paſ-||ſants. Mais pourquoy eſperdu en fureur ? Veu que || ce tãt diuin bouquet prognoſtique ie ne ſçay quoy || de calme & bonace apres vne longue tormente ? || O bouquet que mille & mille fois ie fleure ! O || main qui me le liuras, que cent mille fois ie baiſe ! || Mais toy bõne volunté qui acheminas cette main || d'vn coeur gay, & non hypocrite, ie t’adore, ie t’a-||dore auecques toute humilité. Plus tost me ſoit || vne mort, & encore vne autre mort prochaine, || que iamais ie te mette en oubly : Et prendra ce || tien bouquet contre le cours de nature telles ra-||cines dedans moy, que i’espere par mon labeur le || faire quelque iour plus croistre, que ne font ces || grands chaiſnes des foreſts, qui aparoiſſent im-||mortels. Tu croistras doncques mon bouquet, [f. E1r°]

mais auecques telle intention que reuerdiſſant par || mes œuures, iamais ne ſe ternira en moy la me-||moire de celle, qui te voulut compoſer de tant de || fleurs, pour en amaſſer vn million d'autres en mon || eſprit, qui luy ſont du tout dediées. Tu croiſtras, || & croiſſant congnoistra la posterité que quelque || choſe que les poëtes ayent iadis menſongé, rien || ne feurent pour ton respect ny les arbres, ny les || fleurs destinées pour la reſerue de leurs dieux. Tu || feuz par ma deeſſe ſacré : & d'autant t'estimé-ie || plus, que ſans parole, ny ſans fable, as deſia ou-||uert vn tel eſchange en moy, que d’vn esprit ſot || & terreſtre, auquel naguere ie viuois, ie ſens quel-||que cas du celeste ſe viuifier dans mes os. Prens || doncques ma deeſſe, prens doncques cette vnique || deuotion, recognoiſſance de ton bienfait : De toy || ie tien mon meilleur, à toy außi ie le vouë, & t'en || preſente la despouille, bien qu'elle n'entre en com-||paraiſon auecques la victoire que tu as gaignée || ſus moy. [f. E1v°]

Emplacement du texte

OuvrageRecueil des rymes et proses de E. P.

Date de publication du volume1555

Lieu de publication du volumeParis

Exemplaire consultéParis, Bibliothèque nationale de France, Rés. 8-BL-8826

Pagination, foliotation, signatureE1r°-E1v°

Pièce n°005

Description & Analyse du texte

GenreÉpistolaire

Sujets

Lettre méta-textuelle
Sacralisation-tourbillon de l'amour

Les mots clés

lettre

Les relations du document

Ce document n'a pas de relation indiquée avec un autre document du projet.

Notice créée par Michela Lagnena Notice créée le 19/03/2024 Dernière modification le 25/08/2024