[1554_TJI_Grou] 120 O dur Mary en ayant imposée

Présentation générale du poème

Titre de la pièceLa 4. Elegie du 3. livre des amours du mesme Ovide, mise en Françoys, par G. C.

Incipit non moderniséO dur mary en ayant imposée

Les pages

En passant la souris sur une vignette, le titre de l'image apparaît.

5 Fichier(s)

Relations entre les documents

Collection Édition : 1556c. - Trésor des joyeuses inventions - Denise

Ce document est une variation de :

[1556c_TJI_Denise] 116 O dur Mary en ayant imposé

Collection Édition : 1568c. - Trésor des joyeuses inventions - veuve Bonfons

Ce document est une variation de :

[1568c_TJI_Bon] 160 O dur Mary en ayant imposée

Collection Édition : 1599 - Trésor des joyeuses inventions - Cousturier

Ce document est une variation de :

[1599_TJI_Coust] 016 O dur mary ! en ayant imposée

Collection Édition : 1554 - Parangon des joyeuses inventions - Gort

[1554_Par_Gort] 119 O dur Mary en ayant imposée

est une variation de ce document

Afficher la visualisation des relations de la notice.

Présentation de l'exemplaire

Formatin-16

Imprimeur-libraireGroulleau, Étienne

Date1554

Lien vers la notice du catalogue de la bibliothèque où est conservé l'exemplairehttp://id.lib.harvard.edu/alma/990072143900203941/catalog

Type de numérisationNumérisation totale

Transcription du poème

Texte

O dur mary en ayant imposée

Songneuse gardɇ à ta jeune espousée.
{F1r}Tu ne fais rien : car chacune, part elle,
Se peult garder par bonté naturelle,
Si sans contraintɇ aucune est preude femme
Celle là seulɇ est chaste & sans diffame
Mais s’elle laisse à venir à l’effet
Par ne povoir. Certes elle le fait
Quand le corps doncq’ tu auras bien caché
Le cueur sera d’adultere entache,
Ny pour moyen qu’on tienne possiblɇ est
D’en garentir une s’il ne luy plaist.
Tu peux ta porte & tes murs remparer,
De son desir ne te peux emparer :
Car ou entrer ne pourroit une mouche,
Si sentira son esprit l’escarmouche.
Et ayant mis dehors le demourant
Dedans sera l’ennemy demourant,
Croy moy, mary, celle qui peult meffaire
Est celle là qui, le moins, le veult faire.
Car le povoir dont elle est jouyssante
Rend son enviɇ estaintɇ & languissante.
Ne vueilles doncq’ croistre, par la rigueur,
Le vice foyble & le mettre en vigueur.
Tu viendras mieux à tes fins & ataintes
Estant traitable & ostant toutes craintes.
Je vy n’aguerɇ un cheval qui prenoit
Son mords aux dents, & quand on luy tenoit
La bride roydɇ, ainsi qu’on les arreste,
{F1v}Il deslogeoit comme foudre & tempeste :
Puys se voyant un peu lascher le frein
Il s’arrestoit & alloit petit train.
Ainsi est il quand on nous veult retraire
D’aucun meffait, nous voulons le contraire
Et sommes tous enclins, quand tout est dit
A desirer ce qui est interdit
Le pacient demande tout expres
L’eau deffenduë & tousjours est apres
Et qui voudroit s’estimer plus cler voir,
Que fit Argus, que l’on disoit avoir
Cent yeux au front, & cent autres derriere
L’eust on pensé laisser rien en arriere ?
Et toutefois Amour, qui ne void goute,
Trompa & luy, & sa lumiere toute.
Dequoy servit construire & estofer
La forte tour de dur Marbrɇ & de fer
Pour Danaé, tousjours viergɇ, y tenir,
Si mere en fin ellɇ y sçeut devenir ?
Et d’autre part, quel dommagɇ avint il
A Ulixes eloquent, & gentil,
D’avoir laissé sa femmɇ en sa maison
Seule sans garde en si longue saison ?
Pour milɇ amans & toute leur menée
Elle ne fut en rien contaminée.

Le larron cherchɇ une proyɇ estimée,

Si faisons nous femme plus enfermée,
{F2r}Et ne void on gueres gens, qui s’adonnent
A pourchasser ce que tous habandonnent,
Ny sa beauté à ce tant nous enhorte
Que l’amytié, que son mary luy porte :
Car chacun pense en ellɇ estre compris
Je ne sçay quoy, que si fort l’en ayt pris
Et la sentant au mary porter hayne
Nous en prenons plus en gré nostre peine,
Et estimons sa craintɇ un plus grand pris,
Que son corps mesmɇ & ce qui en est pris
Croy moy, mary, encor’ qu’il te deplaise,
Qu’un bien receu à hastɇ & en mal ayse
Est trop plus grand & mieux sollicité
Que cil qu’on prend en grande seureté.
Et celle là plus amye nous semble,
Qui dit j’ay paour, & de qui le cueur tremble.
Et toutefois ce n’est pas la raison,
Que femme honnestɇ & de bonne maison
Souz si grand guet soit veuë & rencontrée,
Celà se fait en barbare contrée,
Et ne voy point dequoy ce guet la serve,
Fors de donner au serf & à la serve,
Qui sont en gardɇ, ocasion de dire
C’est moy qui fais qu’on n’en puisse mesdire
Ah ! il n’est pas compagnable à demy,
Qui ne veult point que sa femme ayt d’amy
Ny les façons & coustume de Romme
{F2v}Sont bien à plain cogneuës d’un tel homme.
Ceux qui premier la maistrise en aquirent
Non sans grand crimɇ & interest nasquirent :
Car, si creancɇ aux livres il y a,
Mars engendra de la belle Illia,
Close Nonnain, Romulus & Remus,
Dont tant de biens vindrent & furent meuz.
Si tu aymois si fort la loyauté,
Qui t’adressoit à si grande beauté ?
Sçavois tu pas, sans vouloir l’esprouver,
Que ces deux biens jointz on ne peult trouver
Monstre toy doncq’ gracieux & plus sage,
Et ne sois plus de rigoureux visage,
A ta compagnɇ, oubliant tous les droitz
Que comme maistrɇ alleguer tu voudrois
Si ses amys aquis tu entretiens,
Ellɇ en fera prou d’autres estre tiens :
Par ce moyen, sans peine recevoir,
De maints pourras la bonne gracɇ avoir
Et si seras apellé aux banquetz,
Et jouyras des amoureux caquetz
Des jeunes gens, & (qui est un grand poinct
Tu auras femmɇ en ordre & en bon poinct
Et t’en fera le profit & honneur
De ce dont autre aura esté donneur.

Forme poétiqueÉlégie

Emplacement du poème

Rang dans le recueiln° 120

Section au sein de laquelle le poème prend placeElegies.

FoliotationE8v, F1r, F1v, F2r, F2v

Présentation typo-iconographiqueIllustration entre le titre et la pièce sur le folio E8v.

Informations sur la notice

Contributeur(s)Réach-Ngô, Anne

ÉditeurÉquipe Joyeuses inventions ; EMAN (Thalim, CNRS-ENS-Sorbonne nouvelle)

Mentions légales

Fiche : Équipe Joyeuses inventions ; EMAN (Thalim, CNRS-ENS-Sorbonne nouvelle). Licence Creative Commons Attribution – Partage à l’Identique 3.0 (CC BY-SA 3.0 FR)
Image(s) : Copy digitized: Houghton Library

Exporter cette fiche

atom, dcmes-xml, json, omeka-xml

Exporter en PDF les métadonnnées
Exporter en PDF les métadonnées et les 5 images

Notice créée par Équipe Joyeuses Inventions Notice créée le 22/06/2017 Dernière modification le 04/11/2021