[A4r] Mais touteffoys sans contredit

Il fault que mon cas elle sache,
Ou autrement je seroye lasche

Se à elle ne me declairoye.

Helas vray Dieu, je n’oseroye

Parler à elle par mon ame:

S’esconduyt suis, je suis infame

Et en dangier de desespoir.

Non pourtant certes j’ay espoir

Que d’elle receu je seray,

Tout droict à elle m’en iray

Quant certes mourir j’en debvroye,

À elle m’en voys droicte voye.

J’ay mainteffoys ouy compter

Que nul homme ne doibt doubter

À prier d’amours ou de jeux

Dames d’honneur ou de haulx lieux,

Car tant est de plus noble affaire

Et plustost luy doibt il plaire

De descouvrir sa volunté

À son amy. En verité,

À elle m’en voys vistement.

Comment le Chevalier entra dedans le vergier, et comment il salua la Dame la requerant d’estre sa loyalle amye sans deshonneur.

Transcription

Extrait : 1540c [Denis Janot] La châtelaine de Vergi BnF Extrait 01