Trésor de médecine tant théorique que pratique
Auteur(s) : Fuchs, Leonhart ; Goy, Jean
Généralités
Titre long de la première édition identifiée (ou autre édition)Le Tresor de medicine, tant theorique, que pratique : le tout composé par M. Leon fus. & Jeh. Goy, Medecins ordinaires de l’Empereur Charles V. & du Treschretien Roy de France, François premier de ce Nom. Oeuvre fort singulier pour le secours du corps humain, nouvellement imprimé (Nicolas Pelletier, 1560)
Information sur l'auteur ou les auteurs
- Fuchs, Leonhart
- Goy, Jean
Date de la première publication de l'œuvre1560
Informations sur l'œuvre
Consulter une transcription de la table des matièresTDM 1560 Trésor de médecine Nicolas Pelletier
Transcription et analyse des péritextes
Transcription des péritextes de toutes les éditions
- Au lecteur Salut. [Nicolas Pelletier, 1560]
Estant la congnoissance de soymesmes, le comble & souveraineté de sagesse, selon l’ancien oracle, convient presupposer icelle congnoissance consister principallement en deux choses, à savoir la congnoissance de l’ame, entendement, & esprit, laquelle est toute celeste. L’autre en la congnoissance du corps, qui est l’estui & fourreau de l’ame, & combien que ceste cy soit entierement terrestre : si est ce qu’elle peu moins necessaire que l’autre, d’autant que le corps est composé des celestes Elemens : & que la disposition de l’entendement & esprit ne peut estre bonne, estant l’ame logée en un corps indispost, & mal habitué, ainsi que nous voyons advenir en la splendeur d’une fueille d’espée, mise en un fourreau rompu : car quelque bien fourbie qu’elle soit, elle pert incontinent ceste estincelante lueur, devenant rouillée & obscure, pour n’estre contregardée comme il appartient. A ceste occasion voyons nous, que ceux qui ont fievres aigues viennent souvent à tomber en resveries, & avec l’estat de la maladie s’augmenter ces resveries, en frenesie, furie, ou rage. Aussi au semblable, suivant la declination de la maladie se diminuer, & revenir l’entendement à convalescence, suivant le traitement qui est fait au corps. Et cestui est l’advis des Phisiognomes, qui sont coutumiers de juger des mœurs, & conditions des hommes, selon que les corps sont parfaits ou imparfaits. Tellement qu’ilz disent qu’es corps laids, difformes & monstrueux, habitent ames vicieuses & meschantes. Tel jugement fit de Socrates un Phisiognome, le disant estre une meschante & maudite creature pour la prodigieuse deformité de son corps : lequel fut aloué & advoué par Socrates assurant que son inclination naturelle estoit percline à tout vice & meschanceté, n’eust esté la Philosophie, qui advertissoit telle inclination & influence maligne. Puis donques qu’il est quasi impossible que l’ame soit saine, si le corps n’est en bonne disposition, & habitude : tout homme se doit prendre garde à sa santé corporelle, non pour en abuser en delices & voluptez animales, ains pour servir à l’ame d’un bel estui, dont elle ne puisse tirer aucune rouilleure de vice : mais splandeur de toute vertu, & repositoire digne de ce tresor celeste. Pour à laquelle chose parvenir, il m’a semblé bon vous (A 2 r°) mettre en lumiere le present discours, contenant la vraie congnoissance de la Medecine, tant Theorique, que Pratique, par le moyen de laquelle chacun (& à petis fraiz) pourra faire son profit au grand contantement de l’esprit, & du corps : pourveu toutefois que le Lecteur attribue toute la guarison qui luy amende à son corps à la providence & grace de Dieu, lequel (quand il luy plaist) nous guerist par le moyen de la Medecine, & quelquefois aussi nous fait parvenir à l’heureux dormir que nous appellons trespassement. (A 2 v°). Table des Chapitres du premier traicté de ce present livre. [B. Rigaud, 1578] [4 pages]
Topoï dans les péritextes
- connaissance théorique
- pratique
- trésor de la santé