Généralités
Titre long de la première édition identifiée (ou autre édition)Le tresor d’Orphée, livre de tablature de luth contenant une susane un jour plusieurs fantaisies preludes passemaises gaillardes pavanes d’Angleterre pavane espagnolle fin de gaillard suittes de bransles tant à cordes avalées qu’austre. Voltes & courantes. mises par Antoine Francisque (veuve de Robert Ballard et Pierre Ballard, 1600)
Information sur l'auteur ou les auteursFrancisque, Antoine
Date de la première publication de l'œuvre1600
Description & Analyse de l'œuvre
CompositionRéimpressions et fac-similés générale de l'œuvreReprint de l’édition 1600 chez Ballard Paris ; Publications de la Société internationale de musique, section de Paris
Transcription et analyse des péritextes
Transcription des péritextes de toutes les éditionsA Monseigneur le Prince, [veuve Robert Ballard, 1600, fac similé moderne]
Monseigneur,
J’ay prins hardiesse de consacrer aux autelz de vostre clemence ces premices de mes travaulx non que mon propre merite ou l’excellence de l’oeuvre me peut induire à l’esmanciper soulz l’authorité de vostre nom je sçay que tout ainsi que Appelles seul eut pouvoir de peindre Alexandre & Lysippe de l’eslever en bosse ainsi a vous le plus rare & excellent jeune Prince que le ciel aye donné pour ornement à nostre siecle rien ne doibt estre offert qui ne soit accomply & parfaictement élabouré mais comme ainsi soit qu’entre toutes les vertus dont le ciel vous a richement doüé vous ayez en telle affection les artz Liberaux que vous leur rendez plus d’honneur que vous n’en recevez d’ornement encor que vous y soyez tres accomply ; & bien meritant de ceulx qui les ayment, temoignez vouloir rendre grace aux muses de la recommandation quelles vous ont acquise entre les hommes : Cette clemence, dis-je, m’a faict soubz l’authorité de vostre nom donner jour, à cest abortif à ce que arrozé du nectar de vos faveurs, il puisse prendre vie & que l’autel inviolable de vostre grandeur le maintienne contre la mesdisance de ceux qui ou jugeants mal de la syncerité de mon affection ou jaloux de mon zele envers le public, voudroyent avancer quelque chose au prejudice de ma reputation. Ce n’est ny l’arrogance ny le peu de cognoissance de moy mesme qui m’induisent à le jetter en lumiere, je sçay que Chœrile & Susæne ont perdu plus de credit par ung seul oeuvre qu’ils ont publié qu’ilz n’en avoyent onques acquis en toute leur vie : l’instance de mes amis l’ha d’une violence extraordinaire arraché avant que d’estre formé, pour le donner disent ilz à l’utilité publique : Encores que je recognoisse trop l’imbecilité de mes forces & que par l’incapacité de l’oeuvre je face recognoistre mon insuffisance, toutefois j’ayme mieux leur complaire avec quelque desadvantage que par leur resister trop opiniatrement acquerir le nom d’ingrat & superbe, plus tost que d’homme bien advisé : Que si la candeur de mon affection ne vous est desagreable & vous plaist le prendre en vostre protection, j’espere qu’il ne trouvera ny Mæuie ny Zoyle ni Thelin qui ose reprouver ce qui aura esté approuvé par un si puissant, si sage, & si magnanime Prince, & auquel est deu tant de respect pour ses vertus & merites, que son plaisir doit estre l’archetype auquel nous devons confirmer nos voluntez, c’est donc de vostre seule bonté non de mon merite, que j’espere que cest oeuvre, quoy que bastty avec peine excessive & diligence exquise, prendre quelque vigueur, & s’il plaist à Dieu le benir de tant, que vostre excellence en reçoive quelque contentement, je me tiendray trop honorablement satisfaict de mon travail en recevant si riche recompense que vostre bonne affection, laquelle je supply le Createur : me vouloir octroyer & a vous continuer
Monseigneur,
En parfaicte santé tres longue & heureuse vie
De vostre excellence le tres-humble & tres-affectionné serviteur
Anthoine Francisque.
Monseigneur,
J’ay prins hardiesse de consacrer aux autelz de vostre clemence ces premices de mes travaulx non que mon propre merite ou l’excellence de l’oeuvre me peut induire à l’esmanciper soulz l’authorité de vostre nom je sçay que tout ainsi que Appelles seul eut pouvoir de peindre Alexandre & Lysippe de l’eslever en bosse ainsi a vous le plus rare & excellent jeune Prince que le ciel aye donné pour ornement à nostre siecle rien ne doibt estre offert qui ne soit accomply & parfaictement élabouré mais comme ainsi soit qu’entre toutes les vertus dont le ciel vous a richement doüé vous ayez en telle affection les artz Liberaux que vous leur rendez plus d’honneur que vous n’en recevez d’ornement encor que vous y soyez tres accomply ; & bien meritant de ceulx qui les ayment, temoignez vouloir rendre grace aux muses de la recommandation quelles vous ont acquise entre les hommes : Cette clemence, dis-je, m’a faict soubz l’authorité de vostre nom donner jour, à cest abortif à ce que arrozé du nectar de vos faveurs, il puisse prendre vie & que l’autel inviolable de vostre grandeur le maintienne contre la mesdisance de ceux qui ou jugeants mal de la syncerité de mon affection ou jaloux de mon zele envers le public, voudroyent avancer quelque chose au prejudice de ma reputation. Ce n’est ny l’arrogance ny le peu de cognoissance de moy mesme qui m’induisent à le jetter en lumiere, je sçay que Chœrile & Susæne ont perdu plus de credit par ung seul oeuvre qu’ils ont publié qu’ilz n’en avoyent onques acquis en toute leur vie : l’instance de mes amis l’ha d’une violence extraordinaire arraché avant que d’estre formé, pour le donner disent ilz à l’utilité publique : Encores que je recognoisse trop l’imbecilité de mes forces & que par l’incapacité de l’oeuvre je face recognoistre mon insuffisance, toutefois j’ayme mieux leur complaire avec quelque desadvantage que par leur resister trop opiniatrement acquerir le nom d’ingrat & superbe, plus tost que d’homme bien advisé : Que si la candeur de mon affection ne vous est desagreable & vous plaist le prendre en vostre protection, j’espere qu’il ne trouvera ny Mæuie ny Zoyle ni Thelin qui ose reprouver ce qui aura esté approuvé par un si puissant, si sage, & si magnanime Prince, & auquel est deu tant de respect pour ses vertus & merites, que son plaisir doit estre l’archetype auquel nous devons confirmer nos voluntez, c’est donc de vostre seule bonté non de mon merite, que j’espere que cest oeuvre, quoy que bastty avec peine excessive & diligence exquise, prendre quelque vigueur, & s’il plaist à Dieu le benir de tant, que vostre excellence en reçoive quelque contentement, je me tiendray trop honorablement satisfaict de mon travail en recevant si riche recompense que vostre bonne affection, laquelle je supply le Createur : me vouloir octroyer & a vous continuer
Monseigneur,
En parfaicte santé tres longue & heureuse vie
De vostre excellence le tres-humble & tres-affectionné serviteur
Anthoine Francisque.
Topoï dans les péritextesutilité publique