Généralités
- Castaigne, Gabriel de
- Franciscain. - Alchimiste. - Aumônier de Louis XIII
Description & Analyse de l'œuvre
Voir la notice de l’exemplaire conservé à la Wellcome Library.
Transcription et analyse des péritextes
Icy commence une petite œuvre merveilleuse, laquelle ne sera point avec plusieurs parolles, recommandée par moy, mais seulement je monstreray la verité avec les œuvres d’icelle, & sa noblesse avec experience admirable, & merveilleux exemples. Et partant je diviseray & departiray ce volume en sept Chapitres. [Charles Chevestre, 1611]
Le premier, sera des Fourneaux & vaisseaux necessaires.
Le second, de la preparation des esprits mineraux.
Le troisiesme, de la preparation des corps metalliques. (A 1 r°)
Le quatriesme, de la preparation de plusieurs mineraux.
Le cinquiesme, de la preparation des sels.
Le sixiesme, des experiences des œuvres.
Le septiesme, des eaux dissolutives, & huilles resolvants.
Sachés que quiconques aura ce livre n’aura besoin d’aucun autre, & principalement pour les choses sophistiques ny pour les œuvres particulieres, lesquelles n’approchent gueres de la science majeur (sic), & il entendra tous livres & receptes qui parlent de ces choses, lesquels livres & receptes, les Philosophes ont dit qu’ils estoient consacrez soubs trois reglements & ordres infaillibles.
Le premier, ils disent qu’il nient le vray de la medecine, laquelle faut qu’elle soit preparée de telle manière qu’elle puisse aussi changer le corps du metail en apparence d’or ou d’argent, non toutes-fois real ny permanant aux espreuves, toutes-fois elle sera permanente en ce que le corps sera changé, & sans la copelle l’on ne le pourra destruire ny cognoistre. (A 1 v°)
Le second ordre est, que la medecine doit estre preparée parfaicte selon ce livre, & lors elle se peut jetter en projection sur les corps metalliques, & les purge tellement qu’elle les change en vray or & vray argent perpetuellement, soustenant toutes espreuves.
Le troisiesme est, pour faire projection sur le mercure, & sur tous autres metaux, & les change en parfiat argent, ou bien en fin or, sans aucune autre purgation : & pour parvenir à ceste maistrise, j’ay mis icy sept Chapitres pour le declarer. (A 2 r°)- À la fin de l’ouvrage (p. 37-38)
Privilege du Roy. [Charles Chevestre, 1611]
Loys Par la grace de Dieu Roy de France, & de Navarre. A nos amez, & feaux Conseillers les gens tenans nos cours de Parlemens, Prevost de Paris, Baillif de Rouen, & leurs lieutenans, & à tous nos autres Justiciers & Officiers qu’il appartiendra, Salut : Nostre bien aymé, Charles Sevestre marchant libraire demeurant en nostre ville de Paris, Nous a humblement faict remonstrer que depuis peu il luy a esté mis entre les mains Les Œuvres faictes par nostre amé & feal Conseiller & Ausmonier ordinaire, Frere Gabriel de Castagne docteur en saincte theologie Evesque esleu, & cy devant Abbé general de sainct Rufs de Valence & sainct Tiers de Sau, lesquelles il desireroit faire Imprimer & mettre en lumiere : mais il craint qu’apres les avoir exposées, autres Imprimeurs & Libraires ne les vousissent semblablement imprimer, & par ce moyen frustrer ledit Sevestre de ses fraiz & mises, rendre sa peine inutile, & luy faire recevoir pertes & dommages, pour à quoy obvier & à fin qu’il se ressente du fruict de son labeur, il nous a treshumblement supplié, & requis luy permettre faire imprimer lesdites œuvres en tels Carracteres que bon luy semblera, & interdire à tous autres Imprimeurs & Libraires de l’imprimer, vendre ny distribuer en aucune manière que ce soit, & à ces fins luy octroyer nos lettres necessaires. A ces causes, & ne voulans permettre que le suppliant soit frustré de ses fraiz, peynes & labeurs, vous mandons & enjoignons par ces presentes, que vous ayez à permettre comme nous permettons audict Sevestre imprimer ou faire imprimer ledit livre vendre, & distribuer iceluy en telles formes & carracteres que bon luy semblera, faisant tres expresses inhibitions & deffenses à tous autres Imprimeurs Libraires & autres personnes de qu[el] estat & condition qu’ils soient de l’imprimer, [fa]ire imprimer, vendre & distribuer, contrefai- (n.p.) re ou alterer sans le consentement dudict Sevestre ou ayans cause, & pouvoir de luy durant le terme de trois ans apres que les-dites œuvres seront parachevées d’imprimer, sur peine de confiscation & de cinq cens livres d’amende, & de tous despens dommages & interest, Voulons en outre qu’en mettant par brief le contenu du present Privilege au commencement ou fin desdites œuvres, qu’il soit tenu pour signifié & venu à la cognoissance de tous, Sans souffrir, ne permettre estre faict, mis ou donné aucun empeschement au contraire. Car tel est nostre plaisir, nonobstant quelconques lettres. Donné à Paris le XXIIII. Jour de Septembre l’An de Grace, Mil six cens dix, & de nostre Regne le Premier. Ainsi signé, Louis. Par le Roy, la Royne Regente sa Mere, presente. De Lomenie. (n.p.)