Extrait : 1540c [Denis Janot] La châtelaine de Vergi BnF Extrait 11

Informations générales

TitreExtrait : 1540c [Denis Janot] La châtelaine de Vergi BnF Extrait 11

Les pages

En passant la souris sur une vignette, le titre de l'image apparaît.

6 Fichier(s)

Informations sur le document

Rang de l'unité1

Relations entre les documents

Collection Exemplaire : 1540c [Denis Janot] La châtelaine de Vergi BnF

Ce document a pour suite :
Extrait : 1540c [Denis Janot] La châtelaine de Vergi BnF Extrait 12

Collection Exemplaire : 1540c [Denis Janot] La châtelaine de Vergi BnF

Texte intégral : 1540c [Denis Janot] La châtelaine de Vergi a pour partie ce document

Extrait : 1540c [Denis Janot] La châtelaine de Vergi BnF Extrait 10 a pour suite ce document

Afficher la visualisation des relations de la notice.

Transcription du texte

Titre de l'extraitSéquence 11. Comment le Chevalier après qu'il eut prind congié de sa dame retourna devers son seigneur.

Transcription

Comment le Chevalier apres qu'il eut prind congié de sa dame retourna devers son seigneur.

[illustration]

Le Duc.
Plus vous ayme que ne foisoye
J'au veu la verité toute
Maintenant je suis hors de doubte (D 3 v°)
Pas je ne doibs estre joyeuse
Quant de moy vous vous deffiez
Vestre secret vous me deubsiez
Dire plus tost qu'à nul vivant
Jamais nul jour de mon vivant
Ne vous vouluz desdire en rien
Mais maintenant je congnois bien
Que vous ne m'aymez nullement
Quant vous, & moy premierement
Fusmes espousez à l'eglise
M'aviez vous pas la foy promise
Et moy avous de la tenir
Et loyaulment la maintenir
Vous scaviez bien mon amy cher
Que Dieu nous mist en une chair
Et si nous assembla en une
Par le droit de la loy commune
Nul ne peult en une chair estre
Fors un seul cueur en la senestre
Comme doncques c'est le cueur nostre
Le mien avez, & j'ay le vostre
Rien me doibt doncque au vostre avoir
Que le mien ne doibve sçavoir
Pource vous pry que me le dictes
Et envers moy ne contredictes (D 4 r°)
Jamais joye au cueur n'auray
Jusques à tant que le scauray
Se dire ne me voulez
Bien scauray que point ne m'aymez
Jamais ne vous decellay chose
Qui dedans mon cueur fust enclose,
Je laisse pour vous pere & mere,
Oncles, parens, & seur, & frere,
Dont j'ay faict ung tresmauvais change
Quent envers moy vous trouve estrange
Autresfoys m'avez esprouvée
M'avez vous en faulte trouvée ?
Certes pas bien vous ne gardez
Envers moy ne contregardez
Vostre foy, dont suis bien dolente
En mon cueur, & fort desplaisante,
Trop grandement me mesprisez
Quant vostre secret ne m'osez
Dire, moy qui suis vostre femme
Je vous jure Dieu & mon ame
Pas bien ne tenez vostre foy
Quant vous vous meffiez de moy
Je vous pry amyablement
Que vous me deissiez hardiment
Vostre cas, & vostre secret, (D 4 v°)
Et je vous jure que secret
Le tiendray jusques à la mort.

Le Duc.
Las conscience me remort
Je ne scay que je doibtz faire,
Si je je dy, je suis faulcere
Et parjure de convenance,
Aussi en mon cueur ay doubtance
Que se je le dy à ma femme
Que ma niepce tantost diffame,
Touttesfoys il fault que luy die,
Or venez ca ma doulce amye
Dire vous veulx sans point tarder
Tout mon secret, contregarder
Le vueillez bien celeement,
ou je vous jure grand serment
Que s'il m'en vient aucun reprouche
Pendue serez à une fourche
Et estranglée rdne corde.

La Duchesse.
Mon cher seigneur, je m'y accorde
Et plus encore tourmentée.

Le Duc.
Dame je vous dy ma pensée,
Certes le joly Chevalier (D 5 r°)
Ayme ma niepce du vergier
La damoyselle a affecté
Ung petit chien par amitié
Lequel va querir son amy
Quant il est temps qui vienne à luy
Je vous pry ne le dictes mie.

La Duchesse.
Non ferayge je vous affie
Mon cher seigneur je vous prometz
Mal il joue de cestuy metz
Qui l'aymoye perfaictement
Je vous jure mon sacrement
Que se puis je luy nuiray
Trestout le cas descouvreray
Avant qu'il soit ung moys passé
Mon vouloir à oultre passer
Et ne m'a voulu obeyr
La niepce au Duc seray trahyr
Si je puis en quelque maniere,
La faulce villaine loudiere
Et desloyalle triteresse.

Le Duc.
Par le filz de Dieu qui ne cesse
Nous sommes pres de panthecouste
Mander il nous fault quoy qui couste
Trestous noz amis, & parens (D 5 v°)
Pour faire feste liemens
Tout ensemble avecques nous,
Or ma femme qu'en dictes vous
N'en estes vous pas bien contente.

La Duchesse.
Maudez les en l'heure presente
Sans plus longuement sejourner.

Le Duc.
Tout le cas me fault ordonner
Sa delivre toy Jaquemin
Il te fault mettre en chemin
Vistement pour aller tost querre
Tous les Chevaliers de ma terre
Toutes Dames, & Damoyselles
Mariés aussi pucelles
Et ma niepce de beaulté pleine
Qui du vergier est chasteleine
Va vitement & te delivre. (D 6 r°)

Retour à la version réduite

Chargé.e de la révisionCarli, Vittoria (2023)

Informations sur la notice

ÉditeurÉquipe Tragiques Inventions, Magda Campanini (Univ. Ca' Foscari-Venezia), Anne Réach-Ngô (UHA, IUF) ; EMAN (Thalim, CNRS-ENS-Sorbonne nouvelle)

Mentions légalesFiche : Équipe Tragiques Inventions, Madga Campanini (Université Ca' Foscari), Anne Réach-Ngô (UHA, IUF) ; EMAN (Thalim, CNRS-ENS-Sorbonne nouvelle). Licence Creative Commons Attribution – Partage à l’Identique 3.0 (CC BY-SA 3.0 FR)

Exporter cette fiche

atom, dcmes-xml, json, omeka-xml

Exporter en PDF les métadonnnées
Exporter les 6 transcriptions dans un fichier XML
Exporter en PDF les métadonnées et les 6 images

Notice créée par Alix Lego Notice créée le 22/11/2021 Dernière modification le 24/05/2023