Extrait : 1540c [Denis Janot] La châtelaine de Vergi BnF Extrait 17

Informations générales

TitreExtrait : 1540c [Denis Janot] La châtelaine de Vergi BnF Extrait 17

Les pages

En passant la souris sur une vignette, le titre de l'image apparaît.

4 Fichier(s)

Relations entre les documents

Collection Exemplaire : 1540c [Denis Janot] La châtelaine de Vergi BnF

Texte intégral : 1540c [Denis Janot] La châtelaine de Vergi a pour partie ce document

Extrait : 1540c [Denis Janot] La châtelaine de Vergi BnF Extrait 16 a pour suite ce document

Afficher la visualisation des relations de la notice.

Transcription du texte

Titre de l'extraitséquence 17. Comment les nouvelles furent annoncées au duc que sa niepce & son chevalier estoient mors.

Transcription

Comment les nouvelles furent annoncées au duc que sa niepce & son chevalier estoient mors.
Ha cher seigneur pour dieu mercy
On a faict trop grand meudre icy
C'est assavoir du chevalier
Et de ma Dame du vergier
Tous deux sont mors presentement.

Le Duc.
Helas doulx dieu omnipotent
Comment leur est il advenu.

L'escuier.
Le chevalier estoit venu
Apres s'amye dernier
Mais vostre niepce vint premier
Se complaignant de son amy
Lequel l'avoit traye ainsi
Et descouverte leurs amours
Si trespassa par grand douleurs
Pour madame qui la tansa (E 7 r°)
D'ung petit chien qu'afaité a
Et depuis vint le chevalier
Qui la courut tantost baisier
Adonc vit bien qu'elle estoit morte
Par grand douleur se desconforte
Et disoit qu'il l'avoit perdue
Pour avoir de sa convenue
À son tres redoubté seigneur
Par grant affinité d'amour
Et puis s'amie salua
Et prit l'espée & se tua
Ainsi deffinerent leur vie.

Le Duc.
Bien je t'en croy c'est par envie
Et tout ce faict la Duchesse
Elle en mourra comme tristesse
Sa foy faulcement a faulcée
A elle vois, de ceste espée
La turay sans point varier
Car elle m'a faict encombrier
Plus icy je n'arresteray
Car vistement je la turay
Tout à present de ceste espée
Tuée sera, & decollée
Or tien tu l'as bien deservy (E 7 v°)
Helas je vifz en grand ennuy
Quant mon amy est trespassé
Tout mon soulas si est passé
Il m'avoit par grand honneur
Tout le conseil de son amour
Et je le dictz à la Duchesse
Mais par pensée tristesse
Vistement ma niepce mocqua
D'ung petit chien qu'a faicte a
Et en mourut desconfortée
Or n'est il rien au monde née
D'ici en avant qui me plaise
Helas amy tout ton affaire
Tu m'aviez doulcement monstré
En moi trahyson as trouvé
Par la mauldicte puterelle
La faulce Duchesse cruelle
Qui en trahison me disoit
Que le cas ne decelleroit
Mais faulcement elle m'a deceu
Bien je doibs estre confondu
Quant doulcement monstrer tu m'as
La belle que tant aymée as
He duchesse tant desloyalle
Je te pensois estre fealle (E 8 r°)
Plus que nulle qui fust au monde
Por ta luxure tant immunde
As faict mourir mon chevalier
Et ma niepce, qui du vergier
J'avoye faicte chasteleine,
Helas bien je doibtz souffrir peine
Mon amy est mort, & m'amye
Helas tant doulce compaignie
Sont mors par si treffaulx langaige
Je meurs de dueil en mon couraige
Aller m'en veulx sans plus tarder
Pour ma penitence alleger
Oultre mer faire mon repaire
Du monde je n'ay plus que faire
Hospistalier je deviendray
Et là les paovres serviray
Tant qu'au monde seray vivant,
Je prie à Dieu le tout puissant
Que leurs ames ne soient perdues
Doulx Dieu à toy ilz soient rendues
Donne moy faire penitance
Qu'à leurs ames soit allegence
Demourer plus ne veulx icy
Seigneurs & Dames adieu vous dy [E 8 v°]

DEO GRATIAS.
Retour à la version réduite

Transcripteur.riceCinieri, Nicolas

Chargé.e de la révision

Carli, Vittoria (2023)
Révision effectuée par la formation doctorale "Édition critique numérique et recherche collaborative" (UHA-Unistra, 2021-2022)

Informations sur la notice

ÉditeurÉquipe Tragiques Inventions, Magda Campanini (Univ. Ca' Foscari-Venezia), Anne Réach-Ngô (UHA, IUF) ; EMAN (Thalim, CNRS-ENS-Sorbonne nouvelle)

Mentions légalesFiche : Équipe Tragiques Inventions, Madga Campanini (Université Ca' Foscari), Anne Réach-Ngô (UHA, IUF) ; EMAN (Thalim, CNRS-ENS-Sorbonne nouvelle). Licence Creative Commons Attribution – Partage à l’Identique 3.0 (CC BY-SA 3.0 FR)

Exporter cette fiche

atom, dcmes-xml, json, omeka-xml

Exporter en PDF les métadonnnées
Exporter les 4 transcriptions dans un fichier XML
Exporter en PDF les métadonnées et les 4 images

Notice créée par Anne Réach-Ngô Notice créée le 10/11/2021 Dernière modification le 29/03/2023