[1556c_TJI_Denise] 116 O dur Mary en ayant imposé

Présentation générale du poème

Titre de la pièceLa. 4. Elegie du 3. livre des amours du mesme Ovide, par G. C.

Incipit non moderniséO dur mary en ayant imposé

Les pages

En passant la souris sur une vignette, le titre de l'image apparaît.

5 Fichier(s)

Relations entre les documents

Collection Édition : 1554 - Parangon des joyeuses inventions - Gort

[1554_Par_Gort] 119 O dur Mary en ayant imposée est une variation de ce document

Collection Édition : 1554 - Trésor des joyeuses inventions - Groulleau

[1554_TJI_Grou] 120 O dur Mary en ayant imposée est une variation de ce document

Collection Édition : 1568c. - Trésor des joyeuses inventions - veuve Bonfons

[1568c_TJI_Bon] 160 O dur Mary en ayant imposée est une variation de ce document

Collection Édition : 1599 - Trésor des joyeuses inventions - Cousturier

[1599_TJI_Coust] 016 O dur mary ! en ayant imposée est une variation de ce document

Afficher la visualisation des relations de la notice.

Présentation de l'exemplaire

Formatin-16

Imprimeur-libraireDenise, Étienne

Date1556

Lien vers la notice du catalogue de la bibliothèque où est conservé l'exemplairehttp://data.onb.ac.at/rec/AC10385967

Type de numérisationNumérisation totale

Transcription du poème

TexteO dur mary en ayant imposéSongneuse garde à ta jeune espouséeTu ne fais rien, car chascune par elleSe peult garder par bonté naturelle,Si sans contrainte aucune est preude femmeC’elle la seulle est chaste & sans diffame :Mais s’elle laisse à venir à l’effectPar ne pouvoir certes elle le faict :Quand le corps donc tu auras bien cachéLe cœur sera d’adultere entaché :N’y pour moyen qu’on tienne possible est{E3r}D’en garentir une si ne luy plaist,Tu peulx ta porte & tes murs remparerDe son desir tu ne peulx emparer :Car ou entrer ne pourroit une mouche,Si sentira son esprit l’escarmouche :Et ayant mis dehors le demourant,Dedans sera l’ennemy demourantCroy moy, mary, celle qui peult meffaireEst celle la qui le moins le veult faire.Car le pouvoir, donc elle est jouyssanteRend son envie estaincte & languissante.Ne vueilles donc croistre par la rigueurLe vice foible, & le mettre en vigueur,Tu viendras mieulx à tes fins & attaintes,Estant traictable & ostant toutes craintes.Je vy n’agueres un cheval qui prenoitSon mords aux dents, & quand on luy tenoitLa bride royde ainsi qu’on les arreste,Il deslogeoit comme fouldre & tempeste,Puis se voyant un peu lascher le frein.Il s’arrestoit, & alloit petit train.Ainsi est il quand on nous veult retraireD’aucun meffaict, nous voulons le contraire :Et somme tous enclins (quand tout est dit)A desirer ce qui est interdict.Le patient demande tout expresL’eau deffendue, & tousjours est apres :{E3v}Et qui vouldroit s’estimer plus cler veoir,Que fit Argus, que l’on disoit avoirCent yeux au front, & cent autres derriere :L’eust on pensé laisser rien en arriere ?Et toutesfoys Amour qui ne voit goutte,Trompa & luy, & sa lumiere toute,Dequoy servit construire & estofferLa forte tour du dur marbre, & de ferPour Danaé, tousjours vierge y tenirSi mere en fin elle y sceut devenir ?Et d’autre part, quel dommage advint il,A Ulixes eloquent, & gentil,D’avoir laissé sa femme en sa maisonSeule sans garde en si longue saison ?Pour mille amans & toute leur menée,Elle ne fut en rien contaminée.Le larron cherche une proye estimée,Si faisons nous femme plus enfermée :Et ne void on gueres gens qui s’adonnentA pourchasser ce que tous habandonnent :Ny sa beauté a ce tant nous enhorte,Que l’amitié que son mary luy porteCar chascune pense en elle estre comprisJe ne scay quoy, que si fort l’en ay pris.Et la sentant au mary porter hayneNous en prenons plus en gré nostre peine,Et estimons sa crainte un plus grand pris{E4r}Que son corps mesme, & ce qui en est pris.Croy moy, mary, encor qu’il te desplaise,Qu’un bien receu a haste & en mal ayse,Est trop plus grand & mieux solicité,Que cil qu’on prend en grande seureté,Et celle la plus aymée nous semble,Qui dit j’ay paour, & de qui le cœur tremble.Et toutesfois ce n’est pas la raison,Que femme honneste & de bonne maisonSoubz si grand guet soit veue & rencontréeCela se faict en barbare contrée,Et ne voy point de quoy ce guet la serve,Fors de donner au serf & a la serve,Qui sont en garde, occasion de direC’est moy qui fais qu’on n’en puisse mesdire.Ah il n’est pas acompaignable a demyQui ne veult point que sa femme ait d’amyNy les façons & coustume de RommeSont bien a plain congnues d’un tel homme.Ceulx qui premier la maistrise en acquirentNon sans grand crime & interest nasquirent :Car si creance aux livre il y a,Mars engendra de la belle IlliaChose Nonnain, Romulus & Remus,Dont tant de biens au monde furent meuz,Si tu aymois si fort la loyauté,Qui t’adressoit a si grande beaulté ?{E4v}Scavois tu pas, sans vouloir l’esprouver,Que ces deux biens jointz on ne peut trouverMonstre toy donc gracieux & plus sage,Et ne sois plus de rigoureux visaigeA ta compagne, oubliant tous les droitz,Que comme maistre alleguer tu vouldroisSi ses amys acquis tu entretiens,Elle en fera prou d’autres estre tiens.Par ce moyen, sans peine recevoir,De maints pourras la bonne grace avoir :Et si seras appellé aux banquetz,Et jouyras des amoureux caquetzDes jeunes gens, & (qui est un grand poinct)Tu auras femme en ordre, & en bon poinctEt tien sera le profit & honneurDe ce dont autre aura esté d’honneur[[.]]

Forme poétiqueÉlégie

Emplacement du poème

Rang dans le recueiln° 116

Section au sein de laquelle le poème prend place[[ELEGIES.]]

FoliotationE2v, E3r, E3v, E4r, E4v

Présentation typo-iconographiqueIllustration entre le titre et la pièce sur le folio E2v.

Informations sur la notice

Contributeur(s)Réach-Ngô, Anne

ÉditeurÉquipe Joyeuses inventions ; EMAN (Thalim, CNRS-ENS-Sorbonne nouvelle)

Mentions légales

Fiche : Équipe Joyeuses inventions ; EMAN (Thalim, CNRS-ENS-Sorbonne nouvelle). Licence Creative Commons Attribution – Partage à l’Identique 3.0 (CC BY-SA 3.0 FR)
Image(s) : Rechteinhaber : Österreichische Nationalbibliothek

Exporter cette fiche

atom, dcmes-xml, json, omeka-xml

Exporter en PDF les métadonnnées
Exporter en PDF les métadonnées et les 5 images

Notice créée par Équipe Joyeuses Inventions Notice créée le 23/06/2017 Dernière modification le 04/11/2021